Plantun de Prouvènço

Pèr coumpara dos planto d'encò nostre

Potentilla neglecta & Festuca heterophylla

Potentilla neglecta

Rosaceae

Nom en français : Potentille négligée.

Descripcioun :
Lou fragoun-neglegi es uno planto que sèmblo forço au fragoun-argenta Potentilla argentea e souvènt discouneigu au nostre. D'efèt èi bèn dre e cubert de péu blanc aleva lou dessubre di fueio. Se destrìo de soun cousin majamen emé si fueio di cinq partido facho de forço dènt (9 à 33) sarrado (fotò). Li péu podon èstre eici long de mai de 0,5 mm o crespu. Coumpara emé lou fragoun-argenta que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Potentilla
Famiho : Rosaceae

Ordre : Rosales

Coulour de la flour : Jauno
Petalo : 5
Ø (o loungour) flour : 9 à 12 mm
Flourido : Printèms - Estiéu

Sòu : Si
Autour basso e auto : 0 à 2200 m
Aparado : Noun

Liò : Tepiero sablouso - Roucaio - Terraire safrous
Estànci : Subremediterran à Subaupen
Couroulougi : Éurasiatico
Ref. sc. : Potentilla neglecta Baumg., 1816

Petugo(-di-dos-fueio)

Festuca heterophylla

Poaceae Graminaceae

Nom en français : Fétuque à feuilles de deux sortes.

Descripcioun :
Aquelo grando petugo, trachis dins li blachiero, li faio e li bos. Fai de mato de fueio fino (< 1 mm) alor que li fueio de la cambo soun mai larjo (>2,5 mm). A la coupo, li fueio de la souco fan coume uno meno de lausange (fotò). De nouta peréu que lis enflourejado soun longo de 6 à 20 cm e lis espigueto fan 8 à 10 mm emé 2 à 7 flour barbudo (arèsto de 2 à 6 mm).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 50 à 120 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Festuca
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 6 à 20 cm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Mai à juliet

Liò : Blachiero - Faio - Bos
Estànci : Termoumediterran à Mountagnard
Couroulougi : Éuropenco-Caucasiano
Ref. sc. : Festuca heterophylla Lam., 1779

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Potentilla neglecta & Festuca heterophylla

ges

Coumpara Fragoun(-neglegi) emé uno autro planto

Coumpara Petugo(-di-dos-fueio) emé uno autro planto